Культура і мастацтва заўсёды з'яўляліся натхняльнай сілай развіцця і прагрэсу. Недастатковае разуменне гэтага працэсу прыводзіць да страты гістарычнай памяці і пазбаўляе народ будучыні.
"Без мінулага няма сучаснасці, а значыць і будучыні".
З верасня 1996 года вучні 8-9 класаў нашай гімназіі вывучаюць асновы традыцыйнага ткацтва. Навучанне праводзіцца па аўтарскай праграме Віннікавай Марыі Мікалаеўны.
Таксама прадугледжана правядзенне выязной гадовай этнаграфічнай экспедыцыі.
На працягу некалькіх дзён навучэнцы вывучаюць ткацтва непасрэдна ў асяроддзі пражывання носьбітаў традыцыйнай культуры.
За час існавання курсу ў гімназіі было праведзена 11 этнаграфічных экспедыцый.
Падчас правядзення экспедыцый былі знойдзены і набыты этнаграфічныя экспанаты, якія паклалі пачатак збору матэрыялаў для будучага музея.
Праводзілася пастаянная работа над папаўненнем фондаў музея. Праца вядзецца па двух напрамках: экспедыцыйныя зборы матэрыялаў і падарункі вучняў, якія прывозяць ад бабуль і дзядуляў з вёсак.
Навучэнцы гімназіі маюць магчымасць вывучаць тое, што на генным узроўні яшчэ не павінна быць забыта, але ў сучасным свеце ему застаецца ўсё менш месца.
Колькасць экспанатаў музея складае:
Асноўны фонд - 239
Тэматыка экспазіцый:
Кераміка Беларусі
Драўляныя вырабы і прыстасаванні першай паловы ХХ стагоддзя
Ткацтва на Беларусі:
- даваенны перыяд
- пасляваенны перыяд
Металічныя вырабы і прыстасаванні першай паловы XX стагоддзя
Гарадскі побыт
Асноўныя раздзелы:
Тэкстыльныя вырабы
Керамічныя вырабы
Вырабы з дрэва
Фотаархіў
Тэматыка экскурсій:
Аглядная экскурсія
Кераміка Беларусі
Драўляныя і металічныя прыстасаванні першай паловы ХХ стагоддзя
Ткацтва на Беларусі
Гарадскі побыт
Магчымасці музея па правядзенні ўрокаў і пазакласных мерапрыемстваў:
Правядзенне экскурсій
Правядзенне майстар-класаў па ткацтве, саломапляценні, вышыўцы і народным традыцыям
Правядзенне індывідуальных заняткаў па традыцыйных рамёствах
Правядзенне выязных выстаў